- Dit evenement is voorbij.
Optoch zelf loupe
28 februari 2022 @ 14:00 - 17:00
De (op)tocht.
Helaas geit dit jaor de vastelaovesoptocht vanne Sjansemaekers neet door. Ouch de digitale optocht zal neet doorgaon. Daoróm höbbe wae ’n alternatief bedachtj. Altied al ‘ns de (op)tocht wille loupe? Dit jaor kèn det!
D’r is ’n route van +/- 5km oetgezatte. Naeve die route vindj gae 11 vraoge äöver de Roggelse vastelaovendj. Dees route kèntj gae maondjig 28 fibrewari vanaaf 12 oor vinje oppe site www.sjansemaekers.nl en op facebook en instagram vanne Sjansemaekers
Bie de vraoge steit ’n QR code zoeadet gae eur antjwaorde digitaal kèntj opsteure. Vergaet hiebie neet óm Eure väör- en achternaam of groepsnaam te vermelje, want väör de winnaar is d’r ‘nne sjoeane pries te winne. De winnaar zal bekèndj gemaaktj waere op ’t Matinee.
Óngerwaeg kèntj gae ouch nog effe oetröste en prooste oppe vastelaovendj bie de kefees naeve de route. ’t Zoeaj sjoean zeen as gae in eur sjoeanste pekske deze tocht louptj.
Väöl plezeer bie ’t loupe van deze tocht en waem wètj zeen wae ós bie ein vanne kefees en angers ’s dinsdigs bie ’t Matinee väör de oetslaag.
Höbtj gae vraoge of wiltj gae miër informatie den bel gröstj mèt nummer 06 31769114.