Leef vastelaovesveerders,

Ondanks det d’r weer get gunstigere berichtgaeving is róndjóm de coronamaatregele, zeen wae toch genoeadzaaktj om ’n aantal evenementen aaf te zègke. ‘nne Tied gelaeje höbbe wae uch laote weite det wae dit jaor geine Prins oetrope. In naovolging dao op zal ouch ’t SLK, de bóntje waek en de optocht neet door gaon.

Mer toch wille wae uch de kans gaeve óm mèt te doon aan ‘nne digitale optocht. Mèt dit sjrieve wille wae uch dao van in kènnis stèlle en wae wille vraoge of hie interesse väör is. Eur creatie zal opgenaome waere en dao waertj den ’n sjoean compilatie van gemaaktj die mèt de vastelaovendj online te bekieke zal zeen. Gae kèntj as einzelgenger, duo of groep mètdoon. Höbtj gae ‘nne korte sketch of ’n leedje det gae altied al ’ns ten gehuere höbtj wille bringe den moog det nateurlijk ouch. Uiteraard zölle de opnames plaatsvinje ónger de den geldendje maatregele.

Vanzelf spraekendj zeen d’r ouch sjoean prieze te winne. Dus bedink get sjoeans en meldj uch väör 7 fibrewari aan via mailadres optochtsjansemaekers@gmail.com.

As d’r zat animo is, den neme wae contact op mèt ederein dae zich opgegaeve haet väör verdere informatie.

Väör vraoge, opmerkinge of opgave via de app kèntj gae terecht bie de volgendje miense.

Kristel Moonen 06 31769114
Henk Smolenaars 06 53656291
Rob van Herten 06 51129132