Zaoterdig 27 jannewari is ’t weer zoea wied. Den organiseertj SV Roggel in samewèrking mèt buurtvereiniging Samen Sterk de aojerwètse mer och zoea gezellige Boorebroeloft. ´s Middes vindj in beslaote kringk de burgerlijke inzaegening plaats. Vanaaf 20.00 oor ´s aoves gaon wae ós opmake väör de kèrkelijke inzaegening in La Rochelle. Hie waere in de ón-echt verbónje, ’t Boorebroedspaar van 2024:
Judith van Jo van Bessems en Bé van Sjra van Berg Sjang
&
Ruud van Jan van Piet vanne Tang en Truus van Moutz en van Rien van Sef vanne Kruutjespost en Nel van Fluppe Tinus
Wae haope det gans Roggel aanwezig kèn zeen bie ’t fiëst van dit prachtige broedspaar. De muzikale omliesting waerdj dit jaor verzorgdj door DJ’s Daan & Nick en live-bend ‘The Bipsy Boys’, dus det dit ’n sjiek fiëst geit waere steit vast. As gae det nog neet gedaon höbtj, den noteer zaoterdig 27 jannewari in eure agenda om d’r same mèt dit broedspaar weer ’n geweldjig fiëst van te make!
… Toet den
De activiteitecommissie vanne voetbalklub
