LÈT OP: De lètste rönj alweer… Hie nao kèntj gae de antjwaorde op alle vraoge insteure. Det kèn toet mörge (vriedig) 12.00 oor! Kiek hie ónger wie det gae det kèntj doon. Collectief geheuge In ’t collectief geheuge kriegtj gae ’n filmke te zeen woeabie wae 5 trefwäörd zeuke. ’t 1e antjwaord is 10 puntje waerd, väör ’t 2e kriegtj gae 20 puntje en zoea door toet 50 puntje väör ’t 5e antjwaord. Gae kèntj eur kènnis van de Sjansemaekers, de vastelaovendj in ’t algemein of ós leef klein aardig dörpke toeane door de antjwaorde op dees vraoge (t/m vanaovendj hie te vinje) in te steure en mèt te dinge nao dieke prieze en natuerlik iëwige roem in ós Sjansemaekersriek! Waat mótj gae hieväör doon? Vandaag, as alle vraoge gewaes zeen, steurtj gae ‘nne mail mèt eur antjwaorde nao deslumstesjansemaeker@gmail.com. Lèt op! Vermeldj hie bie eure naam en tillefoonnummer en ’t adres of de locatie woea det gae zaoterdig te vinje zeetj. Zeetj gae van alle thoesspelers de slumste, den kome wae uch verrasse mèt geweldjige prieze! Kiek op 11 December om 20:00 nao de Slumste Sjansemaeker via www.sjansemaekers.nl
