Maarten van de Schoor

Aan de väöraovendj van de vastelaovendj höb ich d’r väör gekaoze óm dit keteerke auch ’n sjäötje vastelaovendj mèt te gaeve.

Naam

Maarten van de Schoor

Straot

Oppe Laak

Laeftied

35

Wat duisse väör diene dagelikse kost?

Jeugd en gezinswirker

Wat zeen dien hobbies?

Papa zeen van mien 2 kinjer is väör mich de sjiekste “hobby” die d’r is. Daonaeve óngerneem ich gaer get mèt mien femilie, mien vrunj en bèn ich gaer tösse ‘t volk..

Wielang woeanse al in Roggel?

Nao mien gebaorte in ’t Wiërter zekehoes bèn ich samen mèt mien aojers door de sjnië nao hoes richting Roggel geraeje. Hie woean ich noe 35 jaor.

Waoróm woeanse in Roggel?

Hie bèn ich opgegruudj en veul ich mich thoes.

Welke plek in Roggel haet ein speciaal beteikenis väör dich?

De mertj väör Theelen, haet sinds det prinsejaor ein speciale beteikenis väör mich gekraege, hie rendje ich in ‘t midden van ein groeat lintj van hossendje miense mien lètste rundje as prins van de Sjansemaekers..

Aan welke gebäörtenis(se) in Roggel höbse ein speciaal herinnering?

In 2019 höb ich mèt moge make woea ich vanaaf kleins af aan van haaj gedruimdj. Prins van de Sjansemaekers zeen. Same mèt ‘t ganse dörp höb ich dit vastelaovesverhaol moge maken!

Wat meuktj väör dich van Roggel  ” ‘n  leef klein aardig dörpke”?

‘T ons kent ons. Same bie-ein pakke óm get te organiseren en/of  te bereiken. Den ‘t actieve vereinigingslaeve in combinatie mèt de sjoean ómgaeving in o.a. ‘t Luedaal meuktj ‘t väör mich ’n compleet dörpke!  Zelf bèn ich o.a. actief in `t kinjervakantiewerk en bie de vastelaovesvereniging. Dit zeen twië begrippe die ein rieke historie höbbe in Roggel. Sjiek óm te zeen wie dit steeds weer doorgegaeve waerdj en wae d’r dus mèt z’n alle väör zorge det ‘t  blieftj bestaon.

Wat is volges dich ‘n typisch Roggels waord of oetspraok?

Gruets. Ich dink det we gruets kènne zeen wie we ‘t in Roggel väör elkaar höbbe.
En den noe: “alle zörg netjes op det kestje en houwe op die kist ómdet ‘t vastelaovendj is”